لما مدح زوجها البنانيه شوف ايش ردت عليه

"]تنهد محمد بشدة و هو يقود السيارة و بجانبه زوجته ..
وسألها ' شفتي ذيك اللبنانية اللي في المحل وشلون تحاكي الرجال اللي معها؟؟
تهقينه رجلها ولا مخاوتيه؟؟



إلا رجلها شايفته يوم يلبس الولد جزمته بعد ما قاس عليه البنطلون

.

تجاهل ملاحظتها بالنسبه للتلبيس و تسائل بغباء:
وشلون؟؟
وش قصدك ..وشلون؟؟
ماسمعتيها وهي تقول شوف هالقميص حبيبي لونه حيصير يعقد لما تلبسه مع الجينز الكاكي من شان خاطري جربه يا روح آلبي.
وش يضركن يا السعوديات لو تسوون مثل هالأجنبيات..
لطافة و شياكة وحكين يالله من فضلك

أولا :لو أقول لك ياحبيبي في المحل وطيت رجلي ..
ثانيا: الحريمه لابسه بنطلون جينز محكك ماشفت فيه أي بادرة شياكه
و بعدين تعال ، وراك خليت كل شي و ماسمعت إلا هالكلمتين الزينات.. ما شفته ما شاء الله وهو ياما شال البنية من العربية ياما حطها فيها ..
ياما قاس اللبس على الولد ياما لبسه جزمته ..
ويوم خلصت الحريمة منقية قال هاتي اللي بإيدك حبيبتي من شان وديهم لعند الكاشيير...
مهوب مثلك إن كانك ذاك اليوم رايق و ذابحتك الرومانسية قلت إذا قضيتوا تراي واقف برا أحتريكم..



ياعمري وقلبي أنت تبي من يقول لك ياحبيبي و ياروح ألبي.. ؟ ما يحصل .. !!
اللي أوله شرط آخره نور ..شكلك نسيت يوم تقول لي أيام الملكة .ترى إذا قلت لك يا حلوة وحنا نتناقش لا تصدقين ..أنا دايم أقولها من باب السخرية و التهكم و لا أقصد فيها المدح إطلاقا..ما أقول إلا الله كلن يخليه لعميره و أهيله ..والله لا قايلة لك يا عمري ولا يا روحي.. الحب أحبك ..مانيب كاذبه بس هالكلمات يالله أقولها لعيالي إذا صخنوا... [ حقيقة مع اني أبنه سعودي و زوجة سعودي و أم سعودي و في يوم ما بإذن الله سأكون (جدة ) سعوديين و أفتخر بهم جميعا .)
إلا أن الشغلة فيها بجاحة شوي . لا والله مهوب شوي إلا ' بجاحة بلا حدود'
.* أنت تبي زوجتك تقول لك كلام محبة و تعطيك عيونها وأنت في نفس الوقت ماتبي تعطيها عيونك ولا حتى نظارتك.





صراحة ...أشك أن السالفة سالفة أنكم بحاجة لكلام ناعم و ألقاب فقط (وأدري أن كل الموضوع حجة لتبررون به حبكم للأجنبيات الجميلات فقط ).. ولا هذي فوزية الدريع طول برنامجها وهي يا عيوني و ياعيوني ..'كن منكب فيهن رماد 'و ما شفناكم مقابلين برنامجها.. القضية قضية وش شكل قائل الكلمة ؟؟
* تبي زوجتك تحترمك وتغنج لك و تقول لك سم ولبيه و انت ردك عليها 'ههااه ؟؟بمعنى نعم ' أو وش هنا ؟؟
أنا أعرف ولد في المتوسط إذا ناداه أحد رجال او أمرأه رد ' سم ' ما يدري ان يقال لها 'سمي ' ليس لأن عنده مشكلة في القواعد و المذكر و المؤنث و لكن لأنه و بكل بساطة ما قد سمع رجال من اللي حوله يقول لحرمة ' سمي '



يا حليلك يالرجل ا السعودي عجيب وغريب و جرئ
*غريب ..تبي زوجة أقدامها ناعمة و ركبها بيضاء وانت رجلينك كن الوحدة محراث تنور ..و اقدامك الشطب الواحد ممكن توزي فيه سكينة


( أمتعتني قراءة هذا الكلام حقيقةً )

[ندعوك للتسجيل في المنتدى أو التعريف بنفسك لمعاينة هذه الصورة] صادقه والله

تحية لك

صادقه والله
سكته

هذي النكته راكبه مع الموضوع

ويوم خلصت الحريمة منقية قال هاتي اللي بإيدك حبيبتي من شان وديهم لعند الكاشيير...
مهوب مثلك إن كانك ذاك اليوم رايق و ذابحتك الرومانسية قلت إذا قضيتوا تراي واقف برا أحتريكم..رهيبه والله وسعتي صدري الله يوسع صدرك الصراحه جت على الجرح..

مشكوره على الموضوع..

صدقتي يااختي وتستحقين التبجيل والاحترام ازواجنا ياخذون بس لكن يعطون لايمكن نعطيهم مشاعرنا واغلى ما عندنا لا وبعد نضحي ونخلص ونوفي وفي الاخير ماهو معبي عيونهم وبكل جراءه يقولون وش العطاء والتضحية اللي سوتيها علشاني قهرررررررررررر لارجال ولا منطق ولافصاحة ولا حتى لاباقة تغطي على عيوبهم التي لا تحصى مساكين حنا الحريممممممممممممممممم نعطي ولا نجد حتى رد الجميل